ஒட்டிய குடலோடும் கிழிந்த ஆடையோடும் துணிகள் நெய்தோம் நீ வித விதமான பட்டுடுத்தி உலா வருகிறாய்
கரடு முரடு நிலங்களை சமன் செய்து கட்டாந்தரையில் கண்ணயர்ந்தோம்
வானுயர்ந்த மாளிகைக்குள் உல்லாசமாய் வாழ்கிறாய்
பள்ளம் மேடுகளை சமன் செய்து சாலைகள் அமைத்தோம்
அதில் இறக்குமதி வாகனங்களில் ஊர்மேய்கிறாய்
இத்தனை செய்தும்
இன்னும் வறுமை பட்டியலில் நாங்கள்
கோடீசுவர பட்டியலில் நீ
இன்னும் ஏழ்மையில் உழல்கின்றோம் நாங்கள்
கோடிகளில் புரள்கிறாய் நீ
உழைத்து உழைத்து உருக்குலைக்கின்றோம் நாங்கள்
உழைப்பால் உயர்ந்தவர் பட்டம் பெறுகிறாய் நீ
